بقلم: عبد المجبد مومر الزيراوي
هذا حسن الدبشي كبير مستشاري رئيس الحكومة سعد العثماني المكلف بالفساد. هَذا خبير لْسَانو طْوِيلْ ، وانَا بلا مَا تَدُّوشْ عْلِيَّا راني كِي لَهْبيلْ ، ندورْ عْلِيهُمْ واحدْ واحدْ نْهارْ و لِيلْ .. نقولْ كْلاَمي مَاغَادِيشْ بْحَالي..
وَا حسن الشَّاطرْ مالَكْ مَا دْوِيتِي مْعَاهُمْ على ملف ودادية بدر بمدينة سطات اللِّي غارقْ في فسادِها بنكيران و الرميد و العثماني و اللِّي مْشاتْ فيها خمسين مليار باستغلال النفوذ.
و لاَّ حيتْ أ السِّي حسن هادُو لْحَايَا خوتْ أُوردوغانْ راهمْ دارُو ليكْ الضْيَافة عَنْدْهُم باشْ تَعْطينا دُروسْ في محاربة الفساد و أنتَ كَاتْدَافعْ عْلَى العدالة و التنمية مَرْتَع الفساد الكبير.
إيوَا الله يَعْطينا وَجْهَكْ القَاسَحْ يا جارَ الفساد العثماني .. جاَلسْ كا تْدافَع على المانْضَة وَ التَّعويضاتْ اللِّي خَصَّصْهُم ليكْ رئيس العدالة و التنمية وَ هُوَ حْدَاكْ غارقَ في الفسادْ.. وَ إِذا كنتْ بَاغِي تْحارَبْ الفسادْ أجي تْعَلَّم من ولاد الشعب بلاَ مَا تَبْقَا تَرْهَقْ في ميزانية الدولة ، أَجِي لْسطاتْ تشوفْ جوهرة الفاسدين ودادية العدالة و التنمية للبِزْنِيسْ العقاري.. يا وَدِّي غيرْ كَاري كَاري .. حذاري يا الشاطرْ حذاري!
# هَذَا بَّا حَسَن زْوِينْ إذا بْغيتِيهْ دِّيهْ!
# دْوِيدَة الشِّيبانِي مَاتْ وَطَنِي خُوذْ عْطِيهْ!
