الصحافة _ سعيد بلخريبشيا
مازالت فضائح المباراة الاستعراضية التي نظنت بمدينة العيون بمناسبة الذكرى 44 للمسيرة الخضراء، والتي حضرهل نجوم عالميين في مجالات الرياضة والفن، ترخي بظلالها، إذ كشف مصدر جد موثوق لجريدة “الصحافة’ الإلكترونية، تفاصيل مثيرة حول فضائح أبطالها الإخوة أبوزعيتر.
وحسب نفس المصدر، فقد ظلت الطائرة التابعة لشركة الخطوط الملكية المغربية التي نقلت عدد من المسؤولين الكبار في مؤسسات الدولة ونجوم رياضيين وفنانين وصحفيين إلى مدينة العيون، ننتظر وصول الإخوة أبوزعيتر لمدة طويلة قبل إقلاعها صوب عاصمة الأقاليم الجنوبية للمملكة، حيث وصلوا دقائق قليلة قبل الإقلاع على متن سيارة ملكية من نوع “بنتلي” حْطاتهم حدا باب الطيارة، وذلك تحت إستنفار أمني قوي.
وعند وصول الطائرة لمطار الحسن الأول بمدينة العيون، كان في استقبال الوفد الذي يضم وزير الثقافة والشباب والرياضة، حسن عبيابة ورئيس الجامعة الملكية لكرة القدم، فوزي لقجع، والأخوين ابو زعيتر اللي مامعروفاش شنو هي صفتهم الرسمية فهاد النشاط المنظم بمناسبة عيد المسيرة الخضراء، والي جهة العيون الساقية الحمراء، عبد السلام بكرات، ورئيس الجهة حمدي ولد الرشيد، ووالي امن العيون حسن أبو الذهب وشخصيات مدنية وعسكرية.
وبعد حفل غذاء فاخر نُظم خارج مدينة العيون فخيام مخصصة لعاد الغرض، عمد والي جهة العيون الساقية الحمراء، عبد السلام بكرات، على سياقة سيارة الدولة ومعاه الاخوة ابو زعيتر ووزير الثقافة والشباب والرياضة، حسن عبيابة. بمعنى والي العيون ناض هو لي كيسوق بهاد الناس لي ماعندهم حتى صفة فالبلاد.
واش هادشي كرم منو ونكران ذات ولا خوف من الاخوة ابو زعيتر خاصهم يتعاملو بحال أي حد آخر لأنهم مجرد رياضيين فقط والوطنية كلنا مساويين فيها وفدرجة واحدة. راه ماشي رياضي ديال ما نعرت شنو يجي للعيون ويبدا يتصور وهو أصلا ما معروفش ما قدم خدمات للبلاد ناس لعبات على أعلى مستوى ومشهورة مشات غير فالكار بحال ولاد لبلاد نور الدين النيبت ورشيد الداودي وسفيان لعلودي.
حاجة أوتقرب من هادوك ابو زعيتر ؟ مازال كون ساكَها بوزير الثقافة والشباب والرياضة نكَولو هانية شخصية رسمية. ولكن يسوكَ بهادوك لي تلاحو على الصحرا راه ماشي معقول. وكيبين أن كاينة شي حاجة ماشي تا لهيه.
وٌنهار سادس نونبر اللي فات وهو عيد المسيرة الخضرا غادي يجي ابو زعيتر اللي ما عارفينش لمغاربة حتى الرياضة اللي كيديرها للعيون باش ينظم لقاء فالكورة مع كاع هادوك اللعابة اللي سالاو الكورة وقلبوها استرزاق اللي عطاهم كثر يمشيو عندو.
واش بهاد الشي باغيين نقضيو على الانفصال. اش هاد التخربيق.
اولا شكون هاد الاخوة ابو زعيتر منين خرجو لينا هاد الخوت لي خاصهم يبعدو على الصحرا. راه هاد الشي ماشي فصالح قضية لمغاربة الاولى، قضية اللي ضحاو فيها كاع لمغاربة باش كان هاد بوزعيتر عايش فلالمان.
