بقلم: عبد المجيد مومر الزيراوي*
بَكِيَّة CAMEL,
كَارنِي OCB،
جَّاكَْ دانْيَالْ،
أوهُو القَرْقوبي،
مومَر : فْرانْك لوكاسْ،
هَايْ يايْ يايْ
قُولُوهَا لو :
هَايْ يايْ يايْ
الهمّة والو ،
بزّاف عليكُم السياسَة،
وا فؤادْ
رَا بوعبيد مدرسَة،
إذا نْتَا قْْرِيتِي
في لْكُوليجْ !
حْنَا الشبيبة
وْ لاَمِيجْ !
وايِّيه ؛
إذا مات بَّا،
رَا الله
حيٌّ لا يموت !..
إذا كَاتْقَلَّبْ لِيَّا
على شي سَبَّة!
بْلاَ مَا تْسَخْسَخْ،
أنا نْوَرِّيكْ لاَفُوتْ ..
وَا الرّب العالي؛
عِصابة فؤاد
مِسْتِرْ خَرْمَزْ
في بْلادنا:
عايْرُونا ،
حَاصْرُونَا،
شَرْدُونا،
قالو علينا غَلابَة،
وا فؤاد
قَاليكْ وهبي
البامْ نَصَّابة،
قَامَت لْقِيامَة!
سَمعو يا لْخوتْ..
لْكَاسْ مْرَبَّعْ
مْنَدٍي بالثَّلْج،
تورنِي لْوَّلْ
دُوبَل،
زِيدْ الثّاني سِيكْ،
وهبي اطْلَعْ مَشْموت !..
عَيطة بويا رحالْ؛
جَاوْ سْبعة رِجال!
هَيَّجْوا لْحَالْ،
عَيطة لَغْزالْ،
طُلْبو السلامة!
مِيرة جاعرَة،
جَاتْ فِيَّا النّوبة:
العلامات بَانو،
السّر في مْكَانو،
غَا تَشْعَلْ !
غَا تَشْعَلْ !
حَفْرو قَبْري،
جِيبُو التَّابوت ..
وَا مولْ البَّام؛
قْتَلْتُو لَحلاَم!
دَارَت ليَّام!
النُّوبة فِيكْ
زِيدْ حُطْ السَّاروت! ..
وَافينْ تَمَغْرَبِيتْ،
نْفَكْرَكْ !
لاَ تْقُولْ نْسيتْ،
الأصالة و المعاصرة!
تْحَطُّو فِي الميزان،
هُمَا بْداوْ
في خْزِيتْ،
أنا قَلَم لْموت ! ..
كُوزِينة بْلا
مَّاعَن،
شْكون لْعَرّاب؟
شْكون الضَّامن؟
فَاكْ أ العِصابة
فَاك كَاع النَّصَّابَة!
جْوَانْ وْ قَرْعَة ،
جَاكُم مْجِيدو !
وَا فؤاد
هَبَّط الرِّيدُو،
بْكِي فِي لْحَسْ!
مَا نَسْمع غُوتْ ..
أَ تِيكا أَ تيكَاوَا
قيَّامة 2020
لَخْبار في راسِي،
كِي
إمارة المؤمنين
كِي
الإسلام السياسِي!
زَيَّدتي وهْبي
خَارج مْدِيبْلاسِي،
أَوَدِّي يا فؤاد
ضُوصِيكْ مَكْلاسِي !
طَاحو وْرِيقاتْ التوتْ ..
يَاكْ قُلَْتها لِيكْ
هادي 13 عام،
2007 سِيرْ بْريزْ !
منْ يَّام تْشافيز !
بَاين لِيَّا
نْسيتي شْكونْ حنَا،
أَفُؤاد وَا عْلاشْ؟
بْشاخ أ ليدامْ !
لْحَبس وَ لْموت
مَا يْخَوَّفْوناشْ!
مَا دَرناشْ بْلاَش!
وْلادْ الشعب !
رَ بْقينا صامْدين،
هَا حْنا جَايِّين
نْعَتْقو لبْلاد!
نْفَضْحو لْمُؤامَرة،
نْوَعِّيو َلعبَاد!
بْلا مُقامَرة!
قَاليكْ مومَر :
لْبَّام عُشَرِيَّة لَخْسارة،
بَان ليَّا فاتْ لْفُوتْ !..
،
وًا فؤاد ؛
السَّوْطَة الفَاسِقة،
مَا فٍيهَاشْ الثقَة!
زَيَّدتي وَهبي لْبَلْبَالْ!
اللّيل طويلْ،
بْلا مَا تْعَوَّل
أَ لَهْبِيلْ!
بإذن الله
كُلْكُم غَادينْ،
تْصَبْحو عند الوَكيل!
أَ فُو مَاركْ،
بْري .. بَارتي،
حَدَّد لَمْضَا حَدَّد،
أَنَا جِيتْ نجَبَّد،
نجبّد ليكْ لْوَذْنين!
وَا سِيرْ تْقَوَّدْ،
فَرعُوك لَخْوانْجِيَّة!
طَحتِي كَاوْ،
دَرتي فِيها لْيُونْ
رَدُّوكْ قْطيَّط!
هادِي لحقيقة
رَا كُولْشي تْرَيَّطْ!
إيوَا تْلاَح صَمَّطْ،
دَايَر الصَّفْقة مع لْكَهَنوتْ ..
وَا فؤاد
جَاكْ دَانْيالْ سَالاَتْ!
غادي نْكَمَّل
بْكَروانْ!
فيديلْ فيديلْ
ألَاَ مْوِيرتِي!
إِيلْ كَابونْ
كَانَلْعَب السْوِِيرتِي،
الشراب ْفِي لْمَالَة،
سيدي علي
تَّا مَالك تْنَوَّتِي،
دْرابُّو حمَر،
نَجمَة خَضْرا،
لَكَفَن بْيَضْ!
سالاتْ لْهَضرة،
مَانْشِيطُوشْ!
عْفَط لُوطُورُوت ..
الأَصالة :
تْقَلْبَت ْبسَالَة،
المعاصرة :
شوفْ لبُونْيَة
دايْرة حالة ..
عَادي هَادي
هِيَّا الديمقراطية،
وَا لَفقيه :
نُوضْ عَزَّم،
تّا عَزَّم
الرقية حداثة القاعة،
مالْ ضْيافْكُم هَربو؟
النّصابة تْفَرشو رباعَة،
مَانِيفِيكْ !
التلفزة و الإذاعة،
كُومْبِين
كَعْ .. كَعْ
يا زبيدة !
بنشماش قرا التَّعزية،
أَفوسْ .. أفوسْ !
الجلسة الإفتتاحية،
إنبعاث الجاهلية!
البَّام طاحْ،
فؤاد تلاح،
يَا وَدِّي !
يا وَدِّي !
المفهوم البَغيض
للسَّمطة و لْتَحت!
الحَداثة تْسَيْفَتْ !
الذيبْ عْطاوهْ
يَسرح النْعاجْ،
أَلِي ديكاجْ !
جَابو الطُّلبَة
قْراوْ عليها الرُّقْية!
فَاكْ وهبي،
الطَّليعة في التَّمْثيلية،
شْكُر غَادي تَسكَر،
وَا قَمَّر .. أَ قَمَّر!
مازاغان و لا كوتْ ..
خَلُّونِي زَاهِي
وِيدْ مَيّّا خَليفة،
إذَا جِيتكُم صُوفاجْ!
وهبي مْشِيشَة أليفَة،
جِيبْ معَاكْ لمايصَة،
مَا تَنْسَاشْ
لِيتْرُو في الصَّاكْ،
أَ لْبَد .. أَ لْعَبد!
يا مْشَرَّطْ لَحناكْْ.
لْمَايْصَة نَّكافَة
سَاقْطَة فِي لْبَاكْ!
بُولْيودْ صْمايلْ
يَا كَحْلَة لَعْيونْ،
مَنْ تَسْتَرزِقُ
بالمليون!
ضَايْعة وَ تْدَوَّح
سْتِريبْتِيزْ بوليتيك
مِيسْ حَيْدِي لْكَرْصُونْ !
تَاتْصَفَّر .. تَاتْصَفَّر !
وَا فؤاد :
سْخُووونَة هَاذْ لْكُوكوتْ..
بِالصَّحَة وَ الرَّاحَة
أََ Bb !
عْطِينِي بالظْهَر،
أَ سِيفَة لْبِيبِي !
صافي حَيْدي
طيط .. طِّيط!
أنَا ولد الشعب:
مومر فرانْك لوكاسْ!
واشْ أَ ميسْ ؟
فِيبْرور ْمَاسُّور!
لاَّ .. لاَّ
مِيسْ هَزاتُو
كُلُّو بْلاَ كَابُّوتْ ..
وَا فُؤاد
أونَا ماتِينا ،
أوهْ بِيلا تْشَاوْ!
كِيفَاشْ ؟!
بْغِيتِي لْعوْد
يقول لِيكْ مياوْ؟!
حظِي منْ لَبْريكْ،
لاَ يْريبْ علِيكْ،
لَبْلاَد في خطَر!
لاَ فُؤاد لا لْعُثماني!
لاَ إمارات لاَ قطَر!
لَحْميَّة مَا تَغْلَب
الدِّيموتْ،
بِيلْفِيديرْ !
فودكا باللِّيمونْ،
اللِّي بْغَا يْجَرَّبْ!
يْحَاوَلْ يْقَرَّبْ!
اللي مْزَغْرتة
عليه مُّو !
يَخرُج عنْدي فَاصْ،
لاَ جَنْوية .. لا قُرطاصْ!
أطِبْقًا للقانونْ
ضْوَاصَا خَانْزِينْ!
طِبْقًا للقانونْ!
أَنا وَحدِي
نْلْعَن الملعونْ،
داخَلْ خارجْ
فِي ذاكْ المنعوت..
حَالَفْ بْرَبِّي
تَا نَرْسَمْ الزِّينَة ،
نَرسَم بلادي
حُبِّي الغالي،
من الدَوّار حتا
لْمدينة ،
فُؤاد مالو هْرَبْ،
هَا مَّا جَاوْ
وْلادْ الشَّعب !،
هَادي البداية
الحياة .. الحياة!
لله يا الزِّينة
واشْ قُلْنا لْفؤاد
عطِينَا؟
إِيَّهْ يَعْطِينا التِّيسَاع،
سْوا لْيومْ ،
سْوا غدَّا ،
السياسة بالقانون!
هيَّا اللي بْغينا،
الرؤية شَافَت
الروِينَة،!
تَيّار ولاد الشعب
تيَّار المهدي و شيخ الإسلام!
تيار عمر وَ كْرينة!
سَر .. فَر
عَيَّطْ .. جْبَد
جِيبوها يا لولاد
جيبوها يا لولاد
الله .. الله ..
الله .. الله ..
فؤاد هْرَبْ!
فؤاد هْرَبْ !
فِينْ الشَانْ و الهَمَّة!
زَمنُ المُحاسبَة،
السكوت .. السكوت .. !
*عبد المجيد مومر الزيراوي: شاعر و كاتب مغربي ورئيس تيار ولاد الشعب بحزب الإتحاد الإشتراكي للقوات الشعبية
