بقلم: عبد المجيد الزيراوي*
عَوْدِي جَايْ !
عَوْدِي رَاجَعْ !
عَوْدِي غَادِي !
عَوْدِي يَتْشَايَعْ !
شُوفُو عَوْدِي نَازَلْ!
بْحَالْ الصْخَرْ!
مِنْ فُوقْ لَجْبَلْ!
جَابتُو لْحَمْلَة وَتْلاَحْ !
حَنْحَنْ لْعَوْد !
لْعَوْد عَوْدِي!
وَانا المُلاَّ مُومَار ..
بَلاَّرَجْ وَبْيَاضُو،
لَغْرَابْ وَ سْوَادُو،
وَا بَرَّحْ يَا لْبَرَّاحْ!
وَاهْيَا لُولاَدْ،
زِيدُو أَ ركِيزَة لَبْلاَدْ،
زِيدُو دَكُّو لَوْتَادْ،
حَطُّو لْخَيْمَة!
قُدَّامْ حَوْشْ العَرْعَارْ ..
لْعَوْدْ تْسَيَّفْ !
كَا يْضحَكْ على
الكَتَاكِيتْ!
قالُو صَافِي سَالاَ
وَانَا عَاد دِيمَاريتْ!
كِي بَّاسَا ؟!
أنَا المُلاَّّ مُومَار
لْعَقْلِيَّة أَلْ بَاتْشِينُو؟
فِيرُو صُونُو مَاروكِينُو !
مْعَايَا وَاحَد الطَّرفْ
مَامَّا مِيَّا مَازِّينُو!
أُوهْ بَارتِيزَانُو :
شَفْت إدريس لَشْكَر
غْمَزْ دِينِيرُو بْعينُو ،
حْرُوفْ لَقْصيدَة
مَكْتوبَة بَالْبِينُو،
سَمْعُو لافَانْ دُو لِيسْطوَارْ ..
أَجِي أَ رَاسْ لَحْمار!
كيفاشْ إدريس
وَلَّى رِيشَّار؟!
فيلاَّ و كُوفَر فُور،
لْفيرمَة وَدِّيسَكْ دُور،
الثروَة ا.. الثروَة
قَالوا لْمَلْيار فُوقْ لْمَلْيار ..
كِيسُ و كِيسْ ،
إِيدَّكْ فِيهْ
أَ طُونْ طونْ دْرِيس،
عطَاوَكْ الإتحاد
فُونْ دُو كومِيرصْ!
لاَفِّيرِيزَم بولِيتِيكْ!
فازِي بِيع وَ شْرِي،
بْلاَ ثقافَة!
بْلاَ بُونْسِي!
الطَّجِينْ و الرُّوجْ
اللِّيلَة تَسْكَر بكْري،
إدريسْ لْمُحامي،
الجِيبْ سْخونْ
سَمُّو حامِي،
لله نْفَوَّضْ أَمْرِي،
اللِّيلَة يا بُوطْحَيْشَة!
بْحالْ لَحمَقْ
علِيَّا دَايْع يْبَرِّي،
أَرَا مَا عَنْدَكْ!
فْتَح لْمِلَفَّاتْ
فَاصْ أَ لاَمُور!
هَذَا حُلْمِي
شْفْتُو منْ صُغْرِي،
وَا لَفْريدَة
نُوضِي دْعِينِي !
جِيبِي لْبولِيس
منْ الإتحاد خَرجِينِي،
أنَا المَهدي و كْرينَة و عُمَر ..
الإشتراكية و الثّروَة!
كيفاشْ أَ لْمُحامي؟
جْمَعتيهُم بْزُوج!
بَاطِيتِي الرُوكُور،
إنَّما هُو َ
مَاشي بَالسْبُور!
مَاشي بْحالْ لْكَرُّوج،
حَاشَاكُم الرِّيع !
الفسَاد الفَظِيع!
إدريس و لَحبيبْ
القَرَار ديَالهُم بْجُوجْ،
عَار الجَّار علَى الجَّار!
الإسْتِبداد الحِزبي: ثُنَائِي التِّيقَار..
وَاتْ دُو فَّاكْ!
يَلْعَن شَرَّكْ!
إرحَلْ ديكاجْ
لَشْكَر جْْمَع كرَّكْ!
بَعتِي الإتِّحاد،
الشَّعبية مْشاتْ !
إشْتِراكية بْلاَ قُوَّاتْ!
قَاليَّا مولْ لْمَجْمَر:
لَفْرِيدَة معَ سلوى!
مُورُّوكُو مُولْ
شُوبِّينغ لَعيَالاَت،
الحداثة و الديمقراطية!
لاَّ .. لاَّ
سَا سِّير أَكْوا ؟
النِّكُّوص و الشَّرِكاتْ!
طَلْعُو الشِيفَر دَافِّير !
أَنتُوما عيشُو لْحَياة!
وَ لَبْلاَدْ رِاهِي فِي خَطَرْ..
أَ عَزُّوز لُوكْسِجِين:
رَ تْقَاضَى لُوكْسِجِينْ!
إِدريس جَابْ الدَّورَةَ،
دَار عنْدْ وْلِيدَاتْ عَلاَّلْ،
نُورمَالْ رَ الكَاذِبُ الأَوَّل!
حتَا لْوِيكَانَد قَلْبُو
نْهار لَثْنِينْ!
قْلَبْ وَ شَقْلَبْ!
مْيَا وْ ثْمانِينْ
دَرْجَة بْلاَ بِيركَار..
كُتْلَة عَائِلُوقْراطِيَّة،
وِيتِي وِيتِي !
لِيكُوشْ دَلَع أَ نِزَار ..
آلو .. آلو
إِجْتِماع طارئْ!
المُحامي مع الإِخْوانِي،
الحُكومة في البُورصَة،
زِيد أَ دريس
قَادْ صْدافْ لْفِيسْتَة!
زِيد قْرُصْ
منْ لْكُرصَة
ألَف قَرْصَة !
سَهْمي أنَا
المُلاَّ طَالَع!
سَهْم إدريس
اللِّيلَة نَازلْ!
الذِّيبْ حْصَل،
لَعصَا فِي لْعَرصَة!
هَايْ هَايْ:
أَحمِيدَة وَ التَّغَاضِي!
رِضَا وَ التَّرَاضِي!
الشَّامِيَّة العَالَمِيَّة!
وَاتَّا رْصَا !
اللِّيلَة الدخْلَة أَ لَهْبِيلْ!
دوزيم مُحَالْ تْجيبْ لَخْبَار ..
هَايْ .. هَايْ
مَاجِيتِي غَنَّاها كَادِر
وَلْد لْعَبد كفاءَة !
شُوفْ علَى دَنَاءَة!
جُرْ السْطَر
أَ المَقْطوع !
عَطَّلْ التَّشْريع ،
إدريس حْصَلْ
الإثْراء غَيْر المَشْروع،
هْبَلْ تَربَح!
القَانونْ الجِنائِي
وَ التَّصويتْ المَمْنوع،
يَا الطَّاكْسِي
خِذْنِي لهَا ،
بَلاَّتِي .. بَلاَّتِي!
شَدْ طْريقْ زْعَير
ادريس كَا يْتسَنَّانِي
نَجْمَع لِيهْ المَجْمُوع!
المُحَاسَبَة هِيَ المَوضُوع،
كَاجُومْ بُوغَطَّاطْ لِيلْ وَ نْهار ..
نْفُخْ علَى السْطَر ،
هَاكْ لِميكَة نَفَّاخَة،
شَمْ أَ وَلد لْعَبْد !
كِيبَانْ لِيكْ العَدل ؟
بَانْ لِيَّا غِير النَّذل !
هَا هُوَ دَاخْ !
لاَقِي لَحرُوفْ،
حَوْلَة أَ لْكَلاَخْ!
مْشَهْيَة لاَمْبَرغِينِي
ذَهْبِيَّة .. ذَهْبِيَّة!
وَ زِيدهَا مَايبَاخْ،
إيوَا جِيبُو سَعد
رُقْيَة لَفْقِيهْ،
الأَغْلبية وَ الرَّئِيس!
مَا كَاينْ غِير التَّشْلاَخْ!
خُوذْ اعطِيهْ،
الزَّرقَا وَرقَة،
مِنِّي لِيهْ،
السَّوْطَة حَمْقَة،
كْحُزْ لْهِيهْ!
اللِّيلَة نَقْرُضْ لْقَمَّار ..
*رئيس تيار ولاد الشعب بحزب الإتحاد الإشتراكي للقوات الشعبية
